Direktør Bournang Yaya ved mixar i Store Studio.

Radio Sawtu Linjiila (Radio Voice of the Gospel) blei etablert i 1966 og har i dag ca. 20 medarbeidarar. Målsettinga er å nå folkegruppa fulaniane i Vest- og Sentral-Afrika (ca. 20 millionar) med programmer som har ein fordeling med 70 % allmenne programmer (helse, utdanning, kultur, debatt, aktualitet) og 30 % kristne programmer.

Radioen sender på kortbølge via Media Broadcast i Tyskland, og via eigen og andre FM-sendarar i Kamerun, Tsjad og Den sentralafrikanske republikk. Sawtu Linjiila er ein anerkjent radio i Kamerun, og seinast i mars 2011 fekk dei besøk av kommunikasjonsministeren i landet, Issa Chiroma:

Direktesending med ministeren frå “Lille studio” til venstre.

Men anerkjennelse er ikkje einsbetydande med masse ressursar. Sawtu Linjiila har knapt med midlar og det er eit stort behov for å oppgradera utstyret (sjå liste under). Det mest prekære akkurat nå, er å få på plass ein FM-sendar (ca 1KW) i byen Ngaoundéré kor Sawtu Linjiila er stasjonert. Dei siste månadene har dei lånt ein 300 W sendar, men den er nå i ustand.

Dersom nokon har utstyr dei trur kan komma til nytte i ein fulldigital radio i Vest-Afrika, er det bare å ta kontakt med Trond Hjorteland på mobil 46 94 52 42 eller senda e-post til trond.hjorteland@gmail.com. Eg skal til Kamerun i byrjinga av juni, og vil ta med meg det eg kan av utstyr då. Her er ei liste med ønska utstyr som teknikaren ved Sawtu Linjiila, har sendt:

1) 1KW FM amplifier – gjerne kompakt utgåve
2) Audio monitor, full DSP, auto calibration
3) K & M 23850 – justerbart mikrofonstativ
4) Digital modular studio console (gjerne noko à la Solidyne 2300XL)
5) PunchLight Recording Lamp USB
6) Studiomikrofonar
7) Digitalt opptaksutstyr

Staben til Sawtu Linjiila samla framfor hovudinngangen.